Qendra për testim punon deri në ora 14:00, numri i infektimeve në rritje

Date:

Megjithëse numri i personave të infektuar me Covid-19 në Kosovë çdo ditë e më shumë po rritet, qendra për testim në orar të rregullt pune është e mbyllur.

“Aktualisht shënon ora 14:30 dhe këtu në qendrën për testim për Covid-19 nuk gjendet askush. Sipas stafit këtu kjo po ndodhë për shkak mungesës së stafit”

E në ndërkohë, numri i rasteve pozitive ditën e enjte ka prekur shifrën 871 por nuk ka pasur asnjë vdekje.

E për këtë Ministria e Shëndetësisë po bënë thirrje për kujdes e vaksinim. Madje ata kanë thënë që Kosova ka një tendencë të rritjes së numrit të rasteve në ditët në vijim.

“Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që vaksinohen, me dozën e parë të dytë dhe të tretë mund të vaksinohen të gjithë personat e moshës mbi 12 vjeç; me dozën e katërt, mund të vaksinohen personath e moshës mbi 60 vjeç, me kusht që të kenë kaluar katër muaj nga marrja e dozës së tretë”.

Për një valë të re të virusit ka folur edhe drejtori i ShSKUK-së, Valbon Krasniqi që në emisionin Five.

Valbon Krasniqi, ShSKUK

Ai tha se kjo është një rritje eksplozive e rasteve por qytetarët e vaksinuar po e kalojnë më lehtë virusin.

“Sot psh. Kemi 41 pacientë të hospitalizuar në nivel të Kosovës, 21 në Prishtinë në klinikën infektive dhe klinikën e pediatrisë dhe të tjerët janë nëpër spitalët e përgjithshme nga këta të spitalizuar shumica prej tyre janë me dy vaksina por nuk kemi për momentin asnjë që janë të vaksinuar me tri vaksina”, ka thënë Krasniqi.

Aktualisht në vend janë 3263 raste aktive pozitive me Covid-19.