Lista Serbe dyshon se FSK-ja është në Veri – paralajmërojnë Kurtin se nuk do të tolerohet një sjellje e tillë

41





Lista Serb (LS) ka pretenduar se në komunën e Zubin Potokut, ka pasur një inkursion nga ana e Forcës së Sigurisë së Kosovës(FSK).

“Inkursioni i paligjshëm i pjesëtarëve të Forcave të Sigurisë së Kosovës në territorin e komunës së Zubin Potokut. Është shkelje e rëndë e marrëveshjes së vitit 2013, e cila garantohet nga NATO dhe e cila garanton se asnjë formacion i armatosur i Prishtinës nuk mund të pushtojnë komunat serbe në veri pa miratimin e kryetarëve të këtyre komunave dhe komandantit të KFOR-it”, thuhet në komunikatën e Listës Serbe.

Ata kanë thënë se “edhe një herë u bëjmë thirrje autoriteteve që të ndërmarrin veprime parandaluese dhe të paralajmërojnë Kurtin se nuk do të tolerohet një sjellje e tillë”.

Sipas komunikatës së LS-së, ky subjekt politik po pretendon se pjesëtarët e FSK-së kanë qenë të pranishëm në komunat me shumicë serbe në veri të Republikës së Kosovës, dhe kjo pa dijeni dhe pa ‘lejen’ e kryetarëve të këtyre vendbanimeve me shumicë serbe.

“Lista Serbe me përgjegjësi pretendon se kryetarët tanë nuk e kanë aprovuar këtë shkelje brutale të marrëveshjes dhe rrezikimin e paqes në këto zona dhe kërkojmë reagim të menjëhershëm dhe të vendosur të komandës së KFOR-it ndaj këtij provokimi”, thuhet në komunikatën e tyre.

Sipas tyre, kjo është një përpjekje e Kosovës që “të pushtojë komunat në veri me goditje me armë, incidente të tilla janë të papranueshme dhe kërkojmë reagimin e të gjithë atyre që janë përgjegjës për një mjedis të sigurt dhe të sigurt për të gjithë qytetarët, mbi të gjitha KFOR-it, EULEX-it dhe UNMIK-ut”.

Ata kanë përfuduar duke e akuzuar kryeministrin e Kosovës, Albin Kurti, se kinse është duke bërë përpjekje t’i frikësojë qytetarët serbë në komunat e veriut.

“Duke ngritur tensione të largojë vëmendjen e publikut nga problemet e ndezura që po grumbullohen në Prishtinë”, kështu, sipas tyre, veprojnë vetëm liderët që janë manipulues e të paaftë.





LEAVE A REPLY

Please enter your comment!
Please enter your name here