Zëvendëskryeministri i parë, Artan Grubi njëherë edhe Ministër në dikasterin e Sistemit Politik, nëpëmërmes një postimi në rrjetet sociale ka uruar, Bujar Osmanin i cili në mbledhjen e fundit të Këshillit të Përgjithshëm të BDI-së, u emërua nënkryetar i partisë.
Përveç Osmanit, Grubi në shkrimin e tij në “Facebook” ka uruar edhe deputeten Arta Bilalli Zendeli, që morri pozitën e Sekretares për Mundësi të Barabarta.
Grubi mes tjerash ka uruar edhe Bekim Nezirin dhe Ilir Hasanin, anëtarë të kryesise qëndrore si dhe Ekrem Bunjakun, anëtar i këshillit mbikqyrës të kryesisë.
Reagimi i plotë:
Këshilli i Përgjithshëm i BDI solli vendime të rëndësishme në mbledhjen e sotme.
Uroj Bujar Osmanin për marrjen e përgjegjësisë si nënkryetar i familjes sonë politike, Arta Bilali Zendeli si anëtare e kryesisë dhe Sekretare për Mundësi të Barabarta, Bekim Nezirin dhe Ilir Hasanin, anëtarë të kryesise qëndrore si dhe Ekrem Bunjakun, anëtar i këshillit mbikqyrës të kryesisë.
Ndërsa, analiza mbi synimet e qendrës hibride politike ekonomike me agjendë anti barazj shpalosi të dhëna shqetësuese për një mendësi homogjene monoetnike në funksion të qeverisjes oligarkike me institucionet e shtetit.
Megjithatë, fati i vendit dhe i qytetarëve në duart e Ali Ahmetit mbetët i sigurt dhe në rrugë të drejtë.
