Aeroplani i Argjentinës ateroi në aeroportin ndërkombëtar “Ezeiza” në Buenos Aires, duke dërguar kampionët e botës për në shtëpinë e tyre.
Pas afro 20 orësh udhëtimi, skuadra e Lionel Scaloni mbërriti në kryeqytet ku mijëra tifozë prisnin që të mbërrinin për t’i falënderuar për triumfin në Kampionatin Botëror.
Lionel Messi me bashkëlojtarët e tij, por edhe i gjithë vendin kanë pritur 36 vjet për ta fituar sërish trofeun më të madh në botën e futbollit.
Thousands of fans welcomed their #FIFAWorldCup heroes home in the early hours! 🇦🇷#Qatar2022
— FIFA World Cup (@FIFAWorldCup) December 20, 2022
Personi i parë që doli nga dera e avionit ishte kapiteni Messi, duke shtrënguar Kupën e Botës në dorën e djathtë.
Pak më vonë, trajneri Scaloni iu bashkua yllit të ekipit për të zbritur shkallët, së bashku me presidentin e Federatës së Futbollit të Argjentinës, Claudio “Chiqui” Tapia.
Pasi lëshuan aeroplanin, lojtarët, stafi stërvitor dhe drejtorët hipën në autobus dhe u dërguan në selinë e ekipit, vetëm disa kilometra larg aeroportit, ku grupi La Mosca Tse-Tse luajti këngën hit “Muchachos”, e cila ka qenë kolona zanore e aventurave të ekipit në Katar. /Telegrafi/
Back home 🇦🇷🏆#FIFAWorldCup #Qatar2022 pic.twitter.com/fk1azWHUIQ
— FIFA World Cup (@FIFAWorldCup) December 20, 2022
A homecoming to remember !💙🇦🇷🏆#FIFAWorldCup | #Qatar2022 pic.twitter.com/CB6HaeThjC
— FIFA World Cup (@FIFAWorldCup) December 20, 2022
