Associated Press ka raportuar sot për sulmin ndaj ekipit të Klan Kosovës në veri të vendit.
Ekipi i Klan Kosovës u sulmua me gurë nga një grup personash të maskuar në pjesën veriore të Kosovës, ku lëndime morën gazetarja Qëndresa Bellagoshi dhe shoferi Elsad Sinani, si dhe automjeti i Klanit mbeti i dëmtuar.
“Një ekip i gazetarëve u sulmua të hënën nga disa sulmues të panjohur në fshatin e Zupçit në Veri të Kosovës, ka thënë policia,” shkruan AP-ja.
“Oficerët policorë thanë që një i dyshuar gjuajti gurë në automjetin e gazetarëve, duke lënduar dy persona dhe duke e dëmtuar automjetin”.
“Ata kanë shtuar që hetimet mbi incidentin po vazhdojnë. Gazetari Drin Demiri tha që ‘lëndime të lehta kanë pësuar shoferi Elsad Sinani në sup, dhe gazetarja Qëndresa Bellagoshi, e cila ishte e ulur në ulësen e përparme të pasagjerit, në veturën pranë nesh, mori një lëndim në sy’”.
Ky është rasti i dytë që një ekip i Klan Kosovës sulmohet në veri. Ndaj ekipit të Klanit pati sulm edhe më 19 dhjetor, njofton Klankosova.tv