Cristiano Ronaldos iu shtua edhe një veturë në koleksionin e tij.
Edhe atë hiç më pak se një “Rolls Royce”.
Befasia për CR7 erdhi për Krishtlindje nga e dashura e tij Georgina Rodriguez.
Videoja e prezantuar nga bukuroshja latine, u bë virale teksa Ronaldo u shfaq tejet i befasuar.
Ai njihet si merakli i veturave pasi në garazhin e tij tashmë janë parkuar edhe Bentley, Ferrari dhe Bugatti.
Pesë herë fituesi i Topit të Artë pritet t’i bashkohet klubit nga Arabia Saudite, Al Nassr.
Ronaldo e kishte një vit të vështirë në fushën e blertë, ndërsa u nda me Manchester Unitedin në muajin e kaluar pasi i prishi punët me klubin anglez.
