DHOMA E BLINDUAR U GJEND BRENDA NJE APARTAMENTI
Pas kapjes së mafiozit Matteo Messina Denaro policia italiane ka identifikuar një strehë të dytë të përdorur nga ai ,një bunkier i blinduar në një shtëpi në qytetin Campobello di Mazara.Aty janë gjetur mjaft sende me vlerë.
Një strehë e dytë e përdorur nga mafiozi më i kërkuar i Italisë, Matteo Messina Denaro, është zbuluar nga policia italiane.
Bunkeri i blinduar është zbuluar në një shtëpi rreth 300 metra larg strehës së parë të bosit të mafias në qytetin siçilian të Campobello di Mazara.
Hyrja në bunker ishte e fshehtë dhe mund të kaloje nga një dollap. Mes objekteve të sekuestruara nga bunkeri i blindiuar I përdorur nga Matteo Messina Denaro janë edhe bizhuteri dhe gurë të çmuar . Megjithatë, nuk janë gjetur dokumente.
Policia italiane është në kërkim të “thesarit” të vërtetë të Messina Denaros si dokumente konfidenciale , të cilat mund të hedhin dritë mbi aferat dhe marrëdhëniet e mafias Cosa Nostra.
Për të mbrojtur veten e tyre, bosët e mafias në Itali njihen për ndërtimin e tuneleve nën shtëpitë e tyre, bunkerë të sofistikuar në male që mund të arrihen vetëm në këmbë kur ata janë në arrati.
GAEZTARE: XHUANA LIKA
PAMJET: REUTERS
