John Cena e kaloi karrierën e tij në mundje i veshur me fanella të personalizuara dhe pantallona të shkurtra të gjera … por “Hall of Famer” i ardhshëm i WWE do të ketë një pamje tjetër për filmin e tij të ri – taka të larta, një fund të shkurtër dhe gete.
45-vjeçari është aktualisht në Melburn, Australi, për të xhiruar komedinë e tij të ardhshme, “Ricky Stanicky” .
Cena ka mbajtur gjithmonë një fizik të jashtëzakonshëm që kur u bë superstar i WWE, ndaj edhe në fundin e shkurtër i vërehen këmbët me muskuj.
Filmi flet për tre miq që krijojnë një personazh imagjinar të quajtur Ricky Stanicky, të cilin e përdorin si alibi për të dalë nga situata të këqija, sipas IMDB, përcjell Klankosova.tv
Cena është pjesë e një kasti të mbushur me yje që përfshin emra të mëdhenj si Zac Efron, Jermaine Fowler dhe William H. Macy.
Në fillim të këtij muaji, Cena shkroi në Twitter se sa i emocionuar ishte për filmin, duke thënë: “Ricky Stanicky është shoku më i mirë i të gjithëve – mezi pres që ta takoni!”
Tranzicioni i Cenës nga WWE në Hollywood ka qenë i pandërprerë … dhe duket se John po kërkon të shtojë trashëgiminë e tij si aktor duke dëshmuar se mund t’i bëjë të gjitha në ekranin e madh — në çfarëdo veshje që i jepni!!
