Ndërmarrjet gjigante po parashihet të menaxhohen nga një organ ende i pa themeluar në tërësi.
Telekomin, KEK-un, Trepçën e Hekurudhat, Qeveria ka paraparë t`i marrë nën pronësi Fondi Sovran, që aktualisht është publikuar vetëm si draft.
Ekonomistët po i kritikojnë këto paralajmërime meqë, sipas tyre, nuk garantojnë rimëkëmbjen e tyre.
Sipas profesorit të ekonomisë, Bashkim Mustafa, si e tillë është pikëpyetje edhe pavarësia e këtij organi.
Edhe opozita e sheh me rezervë këtë, pasi thotë se si e tillë nuk garanton stabilitet ekonomik.
Ferat Shala si ish-menaxher i “Trepçës”, shton se këto reforma marrin kohë, dhe s`kanë bazë ligjore.
Me themelimin e Fondit Sovran me kapital prej 20 milionë euro, Agjencia e Privatizimit do të shuhet. /Klankosova.tv
Rrini të informuar mbi zhvillimet kryesore duke u bërë pjesë e komunitetit tonë në Viber
