Fotografitë dhe videot nga vendi i ngjarjes tregojnë makina të shumta mbi njëra-tjetrën mes pllakave të thyera të betonit. Dëshmitarët okularë thonë se shembja ka ndodhur me shpejtësi.
Të paktën një person vdiq dhe pesë të tjerë u plagosën kur një garazhë shumëkatëshe u shemb pjesërisht në Manhattan, Nju Jork, thanë autoritetet lokale, raportoi Reuters.
Garazhi katërkatësh u shemb pjesërisht dje rreth orës 16:00 me orën lokale (rreth orës 20:00 GMT).
Fotot dhe videot nga vendi i ngjarjes tregojnë makina të shumta të vendosura mbi njëra-tjetrën mes pllakave të thyera të betonit. Dëshmitarët okularë thonë se shembja ka qenë e shpejtë.
Shërbimi zjarrfikës deklaroi se në momentin e aksidentit në pallat ndodheshin gjashtë persona, njëri prej të cilëve ka ndërruar jetë, katër janë dërguar në spital dhe një ka refuzuar ndihmën mjekësore.
Shefi i Departamentit të Zjarrfikësve të Nju Jorkut, John Esposito, tha se operacioni i shpëtimit ishte jashtëzakonisht i rrezikshëm për zjarrfikësit dhe struktura e garazhit ishte shumë e paqëndrueshme.
Në operacionin e shpëtimit janë përdorur shkallë lëvizëse, drone dhe një qen robotik.
Kryebashkiaku i Nju Jorkut tha se teknologjia e re ka luajtur një rol jetik në reagimin ndaj urgjencës.
“Dua të theksoj se, falë Zotit, ne kishim qenin robot që mundi të hynte në ndërtesë.” – tha kryetari i bashkisë së Nju Jorkut, Eric Adams.
Nuk dihen ende shkaqet e shembjes së garazhit shumëkatësh.
