Nikoqirllëkun e mbledhjes së dy qeverive, ia anuloi homologu nga Tirana.
Kjo hatroi kryeministrin kosovarë, Albin Kurti, që se priti Edi Ramën, kur erdhi në Prishtinë.
Nuk dihet nëse e treta do të jetë e vërteta të hënën, për takimin e mundshëm mes dy liderëve, në mbledhjen informale në kryeqytetin shqiptarë me krerët e shteteve të rajonit, në kuadër të Procesit të Berlinit.
Nga dy ekzekutivët nuk i kthyen përgjigje Klanit, nëse Kurti i është përgjigjur ftesës së Ramës, por televizioni merr vesh se deri të dielën s’pati një konfirmim, njofton Klan Kosova.
Një i tillë mbase zor se mund t’i shkojë Tiranës, meqë nga zyra e kreut të ekzekutivit kosovarë u njoftua të dielën se ai po merrë pjesë në Simpoziumin Symi në Greqi, që zgjatë deri më 20 korrik.
Me mospjesëmarrjen në takimin ku shkon edhe komisioneri për zgjerim i Bashkimit Evropian, Oliver Varhelyi, po konsiderohet se Kosova humb disa shanse.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS.
Kronikë e përgatitur nga gazetari Flamur Gajtani.
