Vala e të nxehtit që tashmë ka pushtuar pjesën më të madhe të Evropës, do të vijojë të jetë prezente edhe në Shqipëri këtë javë.
Ndikimi i valës afrikane sjell mot të kthjellët në të gjithë territorin dhe temperatura shumë të larta. Orët e gjata me diell dhe masat ajrore të nxehta bëjnë që termometri të regjistrojë vlera të larta kryesisht në qytetet Berat, Elbasan dhe Gjirokastër, raporton Lapsi.al, transmeton Klan Kosova.
Sipas sinoptikanëve të Meteoalb, temperaturat sot bien lehte në zonat malore deri 38 grade, ndërsa në Koplik, Shkodër, Tiranë, Fier, Përmet e Gjirokastër termometri do shënojë 40 grade dhe mbi 40 në Kuçovë e Cërrik sot.
Në vijim na presin 5 dite shume te nxehta. Kulmi i nxehtësisë do të shënoje rreth 42°C te enjten dhe të premten dhe serish fundjava ul lehtë temperaturat. Qytetet me te nxehta do te jene Berati, Elbasani, Gjirokastra, Tirana, Shkodra, Fieri e Kukësi.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
