Organizata për Ushqim dhe Bujqësi, e financuar nga Qeveria zvicerane, ka ndarë kuponë në vlerë nga 300 euro për 91 fermerë të Komunës së Rahovecit.
Kjo ndihmesë erdhi si kompensim për vërshimet e janarit të këtij viti, kur shumë prej bujqve të atjeshëm humbën të mbjellat e tyre, raporton Klan Kosova.
Fermerët këta kuponë do të mund t’i shfrytëzojnë nga tash e deri më 5 nëntor.
Shuma që u tha të duket e vogël, mund të jetë ndihmesë e madhe për fermerët që nuk u ndihmoi dot komuna, meqë siç tha kryetari i atjeshëm, Smajl Latifi, nuk patën mundësi për shkak të kufizimeve ligjore në këtë drejtim.
Megjithatë, nga kjo organizatë thanë se do të vazhdojnë ndihmat për këtë sektor edhe në të ardhmen.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
